Бу үөрэх дьылыгар Улуу Кыайыы 70 сылын көрсө араас хабааннаах тэрээһиннэр буолан аастылар. Ол курдук, кылаас салайааччылара, библиотекарь, ст.вожатай Гольдерова С. С., психолог Архипова А. С. уонна директоры иитэр-үөрэтэр үлэҕэ солбуйааччы Спиридонова А. А. буолан сэрии араас тиэмэтигэр сылы быһа кылаас чаастарын, оонньуулары тэрийэн ыыттылар. Советскай Армия күнүгэр строевой хаамыы уонна байыаннай ырыа күрэҕэ ыытыллыбыта. Кылаастар бары форма тиктэннэр Кыайыы күнүгэр бэлэмнээхтэрин көрдөрбүттэрэ. 

Биир улахан тэрээһининэн кылаастар ыккардыларыгар ыытыллыбыт Улуу Кыайыы 70 сыллаах үбүлүөйүгэр аналлаах «Я помню! Я горжусь!  Мы – наследники Великой Победы!» диэн девизтаах көрүү-күрэх (концерт) буолар. Күһүҥҥэттэн саҕалаан ыам ыйыгар диэри, кылаастарынан ыйынан арахсан, төрөппүттэр кыттыылаах хас да концерт буолла. Концертка 13 нүөмэр сыаналанар (байыаннай, сахалыы, аныгылыы үҥкүү, сэрии сылларын ырыалара, хор, фольклор көрүҥэ, сценка, презентация оҥоруу о.д.а.), ону таһынан эбии нүөмэр киирэрэ биһирэммитэ. Кылаас салайааччылара оҕолорун бэлэмнэтэлээн, төрөппүттэрин кытыннаран үрдүк таһымнаах концертары нэһилиэнньэҕэ көрдөрбүттэрэ. Спиридонова А. А., Васильев В. В., Иванова Т. А., Архипова А. С., Гольдерова С. С. састааптаах дьүүллүүр сүбэ ыам ыйын 8 күнүгэр уопсай түмүк таһаарда.  Көрүү-күрэх түмүгүнэн саамай элбэх баалы ылан Гран При аатын 10 кылаастар сүктүлэр (кыл.сал. Федотова Е. А.). 1 степеннээх Лауреат 7 кылаастар (кыл.сал. Семенова А. А.), 2 степеннээх Лауреат 5-6 кылаастар (кыл.сал. Яковлева С. Н., Федорова Т. А.) уонна 3 степеннээх Лауреат алын кылаас үөрэнээччилэрэ (кыл.сал. Степанова Т. В., Чохова И. А., Федотова Н. К., Павлова Л. А.) буоллулар.  Ону таһынан 1 степеннээх дипломунан 9 кылаас (кыл.сал. Сивцева А. А.) уонна 2 степеннээх дипломунан 8 кылаас коллективтара (кыл.сал. Максимова В.Д.) наҕараадаланнылар.